Atyraý oblysynda bıylǵy 11 aıda sybaılas jemqorlyq deregimen 26 adam sottalǵan. Sybaılas jemqorlyqqa qarys is-qımyl agenttigi Atyraý oblystyq departamentiniń basshysy Erlan Dosanovtyń málimetinshe, sybaılas jemqorlyq faktileri qurylys salasynda jıi bolǵan.

"Birinshi basshydan baǵynyshty qyzmetkerleriniń sybaılas jemqorlyq úshin derbes jaýapkershilik suralady. Sol sebepten, sybaılas jemqorlyq qylmysyn boldyrmaý úshin arnaıy karta engizildi. Osyndaı is-sharalardyń nátıjesinde 417 mln teńgeden astam qarajatty jymqyrý qaýpiniń aldyn alyp otyrmyz. Departament qyzmetkerleri taýarlarǵa, kórsetiletin qyzmetterge baǵany qoldan kóterý deregine qatysty memlekettik satyp alý konkýrstaryna júrgizgen monıtorıńtiń nátıjesimen 4 mlrd teńgeden astam qarajat únemdeldi. Bıylǵy jyldyń 11 aıynda sybaılas jemqorlyq deregimen 26 adam sottaldy. Onyń ishinde birinshi basshy laýazymyn atqarǵan 3 adam bar" dedi Erdan Dosanov.

Onyń aıtýynsha, memlekettik organ basshylarynyń tarapynan tıisti baqylaý jasalmaıdy. Bul áleýmettik nysandar men jol qurylysyn merziminde tapsyrmaýǵa ákelip soqtyrady. Al, sybaılas jemqorlyqqa qarsy mádenıetti qalyptastyrýda tek formaldy tásilder qoldanylady.