Almatyda Mudarabah Capital qarjy pıramıdasynyń isinde kúdikti dep tanylǵan vaınerlerge qatysty sot otyrysynyń qashan ótetini belgili boldy. 

"Qylmystyq is Almaly aýdanynyń qylmystyq ister jónindegi sotynda 21 jeltoqsanda ótetin bolady", - dep habarlady Almaty soty.

Qarjy pıramıdasyn tanymal vaınerler Meıirjan Tórebaev pen Meıirhan Shernıazov jarnamalaǵan. Sondaı-aq olaryń áriptesi Ázimjan Saıdbaevqa halyqaralyq izdeý jarıalanǵan. 

Atalǵan iske barlyǵy 14 adamnyń qatysy bar. Qylmystyq is aıasynda 41 jyljymaıtyn múlikke, 3 avtokólikke, 9 bank shotyna jáne 16 kompanıanyń jarǵylyq kapıtalyndaǵy túrli úleske arest qoıylǵan.

2021 jyldyń kókteminde qazaqstandyqtar Astex basshylyǵy men onyń seriktesteriniń ústinen aryz jazyp, polısıaǵa júgingen bolatyn. Jábirlenýshilerge kompanıanyń tenderlerine aqshany "aınaldyrý" usynylyp, aı saıyn joǵary paıyz ýáde etken. Biraq sońynda olar aldanyp qalǵan. Uzamaı kompanıa basshylary qamaýǵa alyndy.

Vaınerler Meıirjan Tórebaev pen Meıirhan Shernıazov "Qarjy (ınvestısıa) pıramıdasyn qurý jáne basqarý" baby boıynsha qylmystyq iste kúdikti retinde tanylyp otyr.