Jýrnalıs Samal Qabysheva áleýmettik jelilerdegi paraqshalaryna Jetisý oblysynyń ortalyǵy Taldyqorǵan qalasyndaǵy bilim oryndarynyń birinde bolǵan qyzdar arasyndaǵy tóbelestiń vıdeosyn salyp, kámilet jasyna tolmaǵan qyzdardyń tárbıe máselesin kóterdi.
Vıdeodan úsh qyz bir qyzdy jabylyp aıaýsyz sabaǵany kórinedi. Jýrnalıs oqıǵa qaladaǵy keshki mektepterdiń birinde bolǵanyn aıtady. Sondaı-aq ol oqıǵa qatysýshylarynyń jelidegi paraqshalaryn taýyp alǵan. Ol jerde jas qyzdar alkogóldik ishimdik iship, bylapyt sózder aıtqan vıdeolar júr. Buny kórip jaǵasyn ustaǵan jýrnalıs oblystyq bilim basqarmasy mektep jasyndaǵy qyzdardyń tárbıe máselesin myqtap qolǵa alýy kerek, al ishki ister organdary bundaı jaǵdaı qaıtalanbas úshin buzaqy qyzdardy qatań jazalaýy kerek dep sanaıdy.
Jetisý oblysy bilim basqarmasy máselege baılanysty málimdeme jasap, jaǵdaıǵa baılanysty basqarmanyń, quqyq qorǵaý organdarynyń, bilim berý salasyndaǵy sapany qamtamasyz etý departamentiniń ókilderinen turatyn arnaıy komısıa qurylǵanyn jetkizdi.
"Olar qyzdardyń oqıtyn oqý oryndarynyń tárbıe jumysyna tekserý júrgizedi. Jábirlengen qyzǵa barlyq qajetti psıhologıalyq kómek kórsetilýde. Budan basqa, kúsh qoldanǵan qyzdardy odan ári oqytý máselesi qaralatyn bolady. Aıta keteıik, bul oqıǵa Taldyqorǵannyń páterleriniń birinde sabaqtan tys ýaqytta bolǵan. Qazirgi ýaqytta osy fakt boıynsha ákimshilik is qozǵaldy" delingen basqarma habarlamasynda.
Posmotret etý pýblıkasıý v Instagram
Pikir qaldyrý