Qytaı tarapy Qazaqstan-Qytaı shekarasynda engizilgen shekteý jáne karantındik sharalardy alyp tastaıdy, dep habarlady Qarjy mınıstrligi.

Qytaı kólikterdi óz aýmaǵyna kirgize otyryp, tasymaldaýdyń pandemıaǵa deıingi formatyna oralýǵa nıetti. Bul rette avtokólik quraldarynyń júrgizýshilerindegi vıza, PTR test, kólik quraldary halyqaralyq standarttarǵa sáıkes kelýi tıis.

Alaıda shekaradaǵy shekteýlerdi alyp tastaǵannan keıin, buryn qytaı tarapy belgilegen avtokólik quraldarynyń sıpattamalaryna qoıylatyn talaptarǵa baılanysty syrtqy ekonomıkalyq qyzmettiń keı qatysýshylary narazylyq tanytqan. Óıtkeni olar avtokólik quraldaryna qoıylatyn qatań talaptar kezinde avtokólik quraldaryn qaıta jabdyqtaý boıynsha belgili bir shyǵynǵa ushyraǵan.

Atalǵan máselege baılanysty 9 qańtarda "Qaljat" ótkizý pýnktine Memlekettik kirister komıtetiniń basshylyq quramy syrtqy ekonomıkalyq qyzmetke qatysýshylarmen kezdesý ótkizgen.

Mınıstrlik kezdesý barysynda shekara qyzmetimen, jergilikti atqarýshy organdarmen jáne tasymaldaýshylarmen birlesip kedendik rásimderden ótý, sondaı-aq memlekettik shekaradan ótý tártibi týraly qajetti túsintemeler berilgenin, syrtqy ekonomıkalyq qyzmetke qatysýshylar birqatar suraqtar qoıyp, olarǵa naqty jaýap alǵanyn jetkizdi.