Búgin Almaty qalasyna is–saparmen kelgen premer–mınıstr Álıhan Smaıylov "Champion" sport kesheniniń tanystyrylýyna bardy. Bul nysan qaıyrymdylyq qorynyń qoldaýymen salynǵan bolatyn. Sonymen qatar premer–mınıstr sport kesheninde Almaty ákiminiń orynbasary Arman Qyryqbaevtiń sport salasy boıynsha josparlarymen tanysty.

"Mundaı sport nysandary qala turǵyndarynyń salaýatty ómir saltyn ustanýyna septigin tıgizedi. Dene shynyqtyrý nysandaryn arttyrý úshin jeke ınvestısıa tartý kerek. Sondyqtan basqa kásipkerlerdiń áleýmettik jobalardy qarjylandyrýyna da úlgi kórsetip otyrsyzdar. Qaı jaǵynan alyp qarasaq ta, bul nysannyń mańyzy zor" dedi premer–mınıstr sport nysanynyń tanystyrylýynda.

Almaty qalasy ákiminiń orynbasary Arman Qyryqbaevtiń aıtýynsha, qala turǵyndarynyń 37 paıyzy sportpen shuǵyldanady. Onyń ishinde balalar men jasóspirimder sany 383 myńdy quraıdy.

"Memleket basshysynyń tapsyrmasyna saı jyl saıyn 3 dene shynyqtyrý ortalyǵyn salatyn bolamyz. Sonymen qatar 7,7 mldr teńge bólingen aty shýly at sportyn da qolǵa alýdamyz. Bıyl 3000 nan astam sprottyq shara ótkizý oıymyzda bar, onyń ishinde 35-i halyqaralyq dárejedegi saıys bolmaq. Respýblıkamyz úshin asa mańyzdy "Medeý" sport kesheni men Ortalyq stadıondy modernızasıadan ótkizý josparlanýda, sondyqtan memleket tarapynan qoldaý kútemiz" dedi Arman Qyryqbaev.