Ortalyq málimetinshe, 2023 jyly qarjylaı mánde tazartylmaǵan maı eksporty kemidi.

«Negizgi sebebi – eksporttyq baǵanyń tómendeýi. 2022 jyldyń qazanynan beri tazartylmaǵan maıdyń álemdik baǵasy turaqty túrde tómendep keledi. Mamyrdaǵy jalpy quldyraý 31 paıyzdy (eýromen eseptegende) nemese teńgemen eseptegen 28 paıyzdy qurady», - dep túsindiredi «QazTrade» agenttik tilshisiniń saýalyna oraı.

Sonymen qatar un eksportynan túsetin qarajattyń tómendeýine de eksporttyq baǵanyń arzandaýy basty sebep bolyp otyr. Degenmen naqty mánde un eksporty 2 paıyzǵa artqan.

Munan bólek, kúkirt eksporty 13 paıyzǵa artqanymen aqshalaı mánde eksporttyq túsim kemidi. Ótken jyly kúkirttiń ortasha baǵasy 2022 jylmen salystyrǵanda 3 esege quldyrady.

Elimizdiń ishki naryǵynda suıytylǵan gaz tapshylyǵy baıqalady. Dál osy jaıt kógildir otyn eksportynyń qysqarýyna túrtki boldy.

Eýropalyq Odaqqa óńdelmegen alúmını jetkizý kólemi birden 30 paıyzǵa azaıdy. Oǵan elektr energıasy baǵasynyń qymbat bolýyna baılanysty EO-daǵy ónim óndirisiniń qysqarýy sebep.

Feroqorytpaǵa keler bolsaq, bul ónimniń eksporty AQSH, Japonıa, Indonezıa jáne Reseı baǵytynda kemidi. Óıtkeni, atalǵan elder feroqorytpa ımportyn qysqartyp otyr.

Qazaqstanǵa munaı ónimderiniń eksporty Nıderlandy men Túrkıa baǵytynda ǵana 37,1 paıyzǵa azaıdy.

«Nıderlandy kórshiles elderden, máselen Belgıa men Ulybrıtanıadan satyp alýdy arttyrdy. Túrkıa Reseı men Úndistannan alyp jatyr», - dep málim etti «QazTrade».

Óńdelmegen myrysh eksporty da tómendedi. Bul jaıtqa myryshtyń álemdik baǵasynyń tómendeýi áser etti.