– Qazirgi kezde kóp salyq tóleýshi tirkeýde tur. Biraq olardyń birazy salyq nysanasynda nóldik kórsetkish kórsetýde. 2023 jyldyń birinshi jartyjyldyǵynyń qorytyndysy boıynsha,  1,4 mln jeke kásipkerdiń ishinde nóldik kórsetkishti 944 myń salyq tóleýshi kórsetti. Bul óz kezeginde 67 paıyzǵa teń, – dedi ol.

Mınıstrdiń sózinshe, eldegi kásipkerlerdiń tek 30 paıyzy zańdy túrde salyq tólep jatyr eken.

– Qalǵan 67 paıyzy salyq tólemeıdi, nóldik kórsetkish kórsetedi. Ulttyq banktiń deregine júginsek, barlyq tólem bank kartochkasy arqyly ótken. Máselen, bárińiz dúkennen taýar satyp alasyzdar. Olardyń aınalymy bir jyldyń ishinde 55 trln teńge boldy. Al mobıldi aýdarymdardyń somasy 80 trln teńgeni quraǵan. Túsinesiz be? Bul rette, tólemderdiń bir bóligi salyq alańynda bolmaǵanyn, tólenbegenin baıqatyp otyr. Bul óz kezeginde jergilikti jerdegi búdjet shyǵyny sanalady. Qazirgi kezde áleýmettik salanyń damýyna úles qosý úshin osy tólemderdi tóleý kerek, – dedi Erjan Birjanov.

Vıse-mınıstr eldimekenderdegi áleýmettik nysandy tolyq qamtamasyz etý úshin salyqtan jaltarýǵa jol bermeý keregin qadap aıtty.

– Balalar jaryq ári jyly mektepte oqýǵa tıis. Halyq jaqsy em alýy kerek. Eger jeke kásipkerler osy 80 trln teńgeden salyq tólemese, olardyń jaǵdaıy qıyn bolady. Sondyqtan osy aqparatty durys jetkizýdi suraımyn, – dedi vıse-mınıstr.