2023 jyly Almaty qalasynyń jalpy óńirlik ónimi naqty mánde 10,1% - ǵa ulǵaıyp, 24,8 trln teńgeni qurady, bul sońǵy 10 jyldaǵy rekordtyq kórsetkish bolyp tabylady dep habarlaıdy Qamshy.kz aqparat agenttigi. 

Ekonomıkany damytýdyń draıverleri óńdeý ónerkásibi (+17,5%), saýda (+14,5%), qarjy jáne saqtandyrý qyzmeti (+12,0%), Aqparat jáne baılanys (+11,3%), jyljymaıtyn múlikpen operasıalar (+6,9%), Kólik jáne qoımalaý (+5,7%) boldy.

Megapolıs ekonomıkasynyń damýy joǵary ınvestısıalyq jáne iskerlik belsendilikpen qatar júrdi. 2023 jyly Almaty qalasyna negizgi kapıtalǵa 25,3% ósimmen 1,8 trln teńge ınvestısıa tartyldy, bul rette jeke ınvestısıalar 35,5% - ǵa ósti. Ótken jyly shaǵyn jáne orta bıznes sýbektileri naqty ósimi 15,8% - ǵa 19,3 trln teńgege ónim shyǵardy. Belsendi jumys istep turǵan bıznes sýbektileriniń sany 340,1 myń birlikti qurady, bul 2022 jylmen salystyrǵanda 16,2% - ǵa artyq.

Ekonomıkanyń qarqyndy damýy jumyssyzdyq deńgeıin 2022 jylǵy 5% - dan 2023 jyly 4,8% - ǵa deıin tómendetýge múmkindik berdi. Jalpy Almaty qalasynyń Qazaqstannyń jalpy ishki ónimindegi úlesi 20,6% - ǵa deıin ósti.