Onyń sózinshe, memleket azamattarmyz aldyndaǵy barsha áleýmettik mindettemelerin tolyq oryndap keledi.

- Árbir besinshi qazaqstandyq memleketten áleýmettik qoldaý alyp jatyr. Onyń qoljetimdiligin arttyrýda sıfrlyq ónimderdi engizý tıimdi. Byltyr bul saladaǵy sıfrlandyrý nátıjeleri BUU jáne halyqaralyq ınstıtýttardyń oń baǵasyn alyp, ózge elderge úlgi etip kórsetilip keledi, - dep aıtty vıse-premer.

Búginde áleýmettik qoldaýdyń 27 túri boıynsha qyzmet proaktıvti format aıasynda júrgizilip keledi.

- Byltyr Memleket basshysynyń joldaýynda qarastyrylyp, ózderińizdiń taraptaryńyzdan qoldaý tapqan qaýipti jumys oryndardaǵy qyzmetkerlerdiń arnaýly járdem aqylary bıyldyń basynan tólenip jatyr. Búginde ony alýshylardyń sany 7 140 adamǵa jetip, ol maqsatqa 1,2 mlrd tenge qarjy jumsaldy. Bul jumys jalǵasyp jatyr. Negizgi standart bolyp qoldanylatyn kúnkóris deńgeıi boıynsha aıtqan syndaryńyz boıynsha da ózgerister qaralyp jatyr. Iaǵnı Áleýmettik Kodekste qaralǵandaı, endigi jyldan medıandyq tabysqa ótý mehanızmderi pysyqtalyp jatyr, - dedi Dúısenova.

Bul halyqtyń tabys deńgeıiniń naqty kórsetkishi retinde halyqaralyq praktıkada ataýly áleýmettik kómekti taǵaıyndaýda qoldanylady. Qazaqstanda kezeń-kezeńimen osy mehanızm engizilmek.