Shymkentte jyl basynan beri kámeletke tolmaǵan 73 qyz bala júkti bolǵan. Bul týraly qalalyq densaýlyq saqtaý basqarmasynyń mamandary málimdedi. Olardyń sózinshe, nebári 5 aıdyń ishinde 17 jastaǵy 38 jasóspirim bosanǵan.

"2024 jyly 5 aıda qala boıynsha bosanǵan jasóspirimder sany - 55. 2023 jyly 54 bolǵan. 2024 jyly 5 aıda qala boıynsha RSB portalynan bosanǵan jasóspirimder sany - 44. Onyń ishinde 15 jasqa deıingi - 1, 16 jasta - 5, 17 jasta - 38", – deıdi Shymkent qalalyq densaýlyq saqtaý basqarmasy basshysynyń orynbasary Sáýle Dúısenbaeva.

Aıta keteıik, statısıkaǵa súıensek, elimizde orta eseppen 100 qyzdyń úsheýi kámeletke tolmaı júkti bolady. Mamandar erte júktiliktiń aldyn alý boıynsha túrli baǵdarlamanyń júrgizilip jatqanyn aıtady. Alaıda nátıjesi áli de kóńil kónshitpeı otyr.