Asqat Jumaǵalı prezıdentke bergen esebinde elimizdegi sybaılas jemqorlyqqa qarsy is-qımyl sharalary týraly baıandady.
– joǵary laýazymdy tulǵalardyń qatysy bar qylmystardyń jolyn kesý jumystary jalǵasyp jatyr;
vedomstvo 2022 jyldan bastap memleket pen kvazımemlekettik sektor sýbektilerine 1 trıllıon 90 mıllıard teńge somasynda múliktik aktıvter men qarajattyń qaıtarylýyn qamtamasyz etkenin aıtty. Bilim berý ınfraqurylymyn qoldaý qoryna 153,3 mıllıard teńge aýdarylǵan. Osy qarjyǵa qazirdiń ózinde 50-den astam mektep ashylǵan. Sondaı-aq taǵy 30 bilim oshaǵyn salý josparlanǵan;
buǵan deıin bergen tapsyrmalardyń oryndalý barysy týraly baıandady:
– Agenttik Ulttyq bankpen jáne Qarjy mınıstrligimen birlesip, «Sıfrlyq teńge» platformasy arqyly júzege asyratyn «aqshany boıaý» jobasyn iske qosqan;
– Prezıdent Joldaýynda júktegen mindetterge saı jol qurylysy men aýyl sharýashylyǵy salalarynda sybaılas jemqorlyqty joıý jumystary júrgizilip jatyr;
«Jaıly mektep» ulttyq jobasyna monıtorıń jasalyp jatqanyn jetkizdi. Tekserý barysynda qarajatty tıimsiz paıdalanýǵa jáne nysandardy tapsyrý ýaqytyn keshiktirýge sebep bolatyn sybaılas jemqorlyq táýekelderi taldanady;
pedagogterdiń eńbekaqy qorynan mıllıardtaǵan qarjy jymqyrýǵa jol bergen sybaılas jemqorlyq faktorlaryn joıý sharalary týraly aıtty:
– bıyl Agenttiktiń bastamasymen búdjet prosesterin avtomattandyrýǵa, Qazynashylyqty bilim berý mekemeleriniń esep júıelerimen ıntegrasıalaýǵa, tólem qujattaryna qol qoıý kezinde bıometrıany paıdalanýǵa baǵyttalǵan sıfrlyq sheshimder engizilgen;
halyqaralyq qatynastar, kadr saıasaty, normatıvtik-quqyqtyq aktiler ázirleý prosesi sekildi vedomstvonyń basqa da basty baǵyttary boıynsha atqarylǵan jumystar týraly aqparat berdi.

Memleket basshysy elimizdegi sybaılas jemqorlyqpen kúresti kúsheıtý jóninde birqatar tapsyrma berdi.