Mınıstr jyl saıyn mıllıondaǵan qazaqstandyq skrınıngten ótetinin aıtty. Bıyl 3,4 mıllıonnan astam eresek pen 4,5 mıllıon bala aýrýlardy erte satysynda anyqtaýǵa jáne múgedektikke ákeletin kóptegen asqynýlardy boldyrmaýǵa kómektesetin tekseristen ótti.

“Kóptegen eresek úshin múgedektiktiń negizgi sebebi – júrek-qan tamyrlary aýrýlary men onkologıa. Bıyl 68 myń adam ınsýlt ortalyqtary men koronarografıa ortalyqtarynda kómek aldy. Ońaltýǵa erekshe nazar aýdarylady — pasıentterdiń kóbirek belsendi ómirge oralýyna kómektesý úshin ońaltý tósekteriniń sany 12 myńǵa deıin ulǵaıtyldy”, – dep málimdedi Álnazarova.

2025 jyldan bastap pallıatıvtik kómek qarjylandyrý 42% ósedi. Kelesi jyly 50 jastan asqan er adamdarda, ınfarkt pen ınsýlt qaýpi joǵary toptarda júrek-qan tamyrlary qaýpin erte anyqtaý jobasy bastalady. 

“Densaýlyǵymyzǵa búginnen bastap qamqorlyq jasaýymyz kerek. Tek turaqty tekserýler men profılaktıkaǵa nazar aýdarý ómir sapasyn saqtaýǵa jáne kóptegen aýrýlardyń aldyn alýǵa kómektesedi. Skrınıngten ótińizder, densaýlyqtaryńyzdy saqtańyzdar”, – dedi densaýlyq saqtaý mınıstri.