Mınıstrdiń aıtýynsha, úkimet erkin naryqta baǵany retteı almaıdy. Buǵan kásipkerlik kodekspen tyıym salynǵan. Onyń ústine uıaly baılanys operatorlary komýnıkasıany jaqsartýǵa qyrýar qarjy salýǵa ýáde berdi. Sondyqtan memleket olarǵa tarıfterdi kóterýge tyıym sala almaıdy deıdi.

"Mundaı tyıym salý múmkin emes. Áıtpese olar qalaı ınvestısıa salady? Olar bazalyq stansıalar men antenalyq dińgek qurylymdaryna kóp ınvestısıa salady. Beeline-men olar aldaǵy bes jylda mıllıard dollar ınvestısıalaıdy degen kelisimge qol qoıdyq. Múmkin siz kóp trafıkti paıdalanyp jatqan shyǵarsyz? Wi-Fi bar jerde Wi-Fi jelisine qosylýdy usynamyn. Men de solaı isteımin", – dedi mınıstr.

Mınıstr qazaqstandyqtardy joǵary sapaly ınternetpen qamtamasyz etýge ýáde berdi. 

"Talap etip otyrǵanyńyz óte durys. Biz de úkimet retinde talapty kúsheıtip jatyrmyz. Tipti, qazir sekýndyna megabıt sany boıynsha eń tómengi deńgeıdi kóterip jatqanymyzdy buǵan deıin de aıttym", – dedi ol.