2024 jyldyń basynan beri júrgizilgen tekserý nátıjesi kórsetkendeı, 58 mektep bilim berý qyzmetin lısenzıasyz júrgizgen. Búgingi tańda olardyń 17-si bilim berý qyzmetin qoıylatyn talaptarǵa sáıkestendirdi. Lısenzıasyz qyzmet júrgizgen mektepterge qatysty QR ÁQBtK 463-baby boıynsha aıyppul salý týraly sot qaýlylary shyqty. Bul bilim berý uıymdary negizinen Astana jáne Almaty qalalarynda, Atyraý, Almaty, Batys Qazaqstan, Túrkistan, Mańǵystaý jáne Jambyl oblystarynda ornalasqan.

- QR «Bilim týraly» Zańǵa sáıkes barlyq mektepter bilim berý qyzmetin bastamas buryn ruqsat alýy tıis. Lısenzıanyń bolmaýy mektepterdiń talaptarǵa sáıkestigi boıynsha tekserýden ótpegenin nemese ruqsat alý úshin qujattardy tapsyrmaǵanyn bildiredi. Bilim berý uıymdary bilim berý qyzmetimen aınalysýǵa lısenzıa alǵan sátten bastap qana quqyly. Eger mektep memlekettik tirkeýden ótken sátten bastap alty aı ishinde lısenzıa almasa, onda ol sot tártibimen jabylýǵa tıis, - dep atap ótti komıtet tóraǵasy Ernur Dáýenov.

Lısenzıa alýǵa qoıylatyn negizgi talaptar tıisti materıaldyq-tehnıkalyq bazanyń, bilikti pedagogıkalyq quramnyń bolýyn, sanıtarlyq-epıdemıologıalyq jáne órtke qarsy normalardyń saqtalýyn, sondaı-aq bilim alýshylarǵa medısınalyq qyzmet kórsetýdi uıymdastyrýdy qamtıdy. Osy talaptarǵa sáıkes kelmeý ákimshilik jaza qoldaný men qaıtalama buzýshylyqtar bolǵan jaǵdaıda bilim berý mekemesiniń qyzmetin toqtatý úshin negiz bolyp tabylady.