Jańadan engizilgen tehnologıa el prezıdentiniń is basqarmasy Medısınalyq ortalyǵynyń aýrýhanasynda qoldanyla bastady. Sondaı-aq jańa ádis júktiliktiń 10-shy aptasynan bastap Daýn sındromyn 99 paıyzdan astam dáldikpen anyqtaýǵa múmkindik beredi. Zertteý úshin anadan qan úlgisin alsa jetkilikti.
"Ádis ananyń qanyndaǵy uryqtyń jasýshadan tys DNQ-syn taldaý arqyly júrgiziledi. Daýn sındromynan bólek, Edvards sındromy (trısomıa 18), Pataý sındromy (trısomıa 13) jáne jynystyq hromosomalyq buzylystardy anyqtaı alady. Prosedýra qaýipsiz, ınvazıalyq aralasýdy qajet etpeıdi. Sondyqtan ana men uryq densaýlyǵyna eshqandaı zıan keltirmeıdi”, – delingen habarlamada.
Pikir qaldyrý