Reseı prezıdenti Vladımır Pýtın "Kazahstanskaıa pravda" gazetinde jarıalanǵan maqalasynda Qazaqstanda jańa orys mektepterin salýǵa qoldaý bildiretinin jazǵan. Iaǵnı, ol Qazaqstannyń ońtústiginde, qazaqtar tyǵyz qonystanǵan úsh qala Qyzylorda, Taraz jáne Túrkistanda jańa orys mektepteriniń ashylatynyna úmiti bar ekenin bildirgen. Sondaı-aq ol kórshiles elderdiń gýmanıtarlyq saladaǵy qarym-qatynasyna toqtala otyryp, Qazaqstanda 3 orys mektebi ashylatynyn jazǵan.

- Reseı Qazaqstanda jańa orys mektepterin ashýdy, orys tilindegi mektep biliminiń sapasyn arttyrýdy qoldaıdy. Taǵy 3 mektep jaqynda Qyzylorda, Taraz jáne Túrkistan qalalarynda ashylady dep otyrmyz. Biz Qazaqstan basshylyǵyna, Qasym-Jomart Kemelulynyń jeke ózine orys tilin qorǵap, orys tili jóninde halyqaralyq uıym qurǵanyna alǵys aıtamyz, - deıdi Vladımır Pýtın.