"Jaqyndaryna kóńil aıtamyn. Oqıǵanyń barlyq mán-jaıy anyqtalyp, qajet tergeý sharalary júrgizilip jatyr", – dep jazdy ol.

Zákıevanyń málimetinshe, 2024 jyldyń qańtarynan búginge deıin balalardyń qazasyna ákelgen 15 órt oqıǵasy tirkelgen. Olardyń kóbi balalar úıde jalǵyz qalǵan kezde bolǵan.

"Bul oqıǵalardy taldaı otyryp, 12 jasqa deıingi balalardy eresek adamdardyń qaraýynsyz qaldyrýǵa zańmen tyıym salýdy qarastyrý qajet dep esepteımin. Árıne, qoldaýdy qajet etetin otbasylarǵa memleket tarapynan qarastyrylǵan kómek baǵdarlamalarymen qamtamasyz etý mańyzdy", – dep atap ótti ombýdsmen.

Eske salaıyq, buǵan deıin Aqmola oblysy Bulandy aýdany Shubaraǵash aýylynda jeke turǵyn úıde shyqqan órt saldarynan eki bala mert bolǵan edi. Órt úsh sharshy metr aýmaqty qamtyp, jeti jáne úsh jasar balalar tútinnen ýlanyp, kóz jumdy. Oqıǵa kýágerleri órtti ózderi sóndirgen. Jedel qutqarý qyzmetine qońyraýlar túsken joq. Órttiń sebepterin Aqmola oblysy tótenshe jaǵdaılar departamentiniń ǵylymı-zertteý órt synaý zerthanasynyń mamandary anyqtap jatyr. Bulandy aýdanynyń tótenshe jaǵdaılar bólimi sotqa deıingi tergeýdi bastap ketti.