Ol túrli zańbuzýshylyqtar úshin kásipkerlerge onsyz da joǵary bolatyn aıyppuldardy taǵy da kóbeıtýdi kózdeıtin zań jobasyn synǵa aldy. 

Ol osyny talqylaý barysynda onyń fraksıasyna 2 myńnan astam kásipkerden ótinish túskenin aıtty. Olardyń barlyǵy aıyppuldardyń shekten tys ekenine shaǵymdandy.

"Baǵadaǵy qatelik úshin 700 myń aıyppul tólegennen góri tekserýshige 100 myń teńge tólep qutylǵan ońaıyraq. Memleket jazalap qana qoımaı, yntalandyryp, tárbıeleýi kerek. Mynaý uıalatyn tirlik qoı, myrzalar. Qaıdaǵy bir "Shtrafstandy" jasap jatqan sıaqtysyzdar, biraq biz qalypty jáne teńgerimdi naryqtyq ekonomıkany qurǵymyz keledi", – dedi Perýashev.

Partıa shaǵyn jáne orta bızneske salynatyn aıyppuldy 3-5 esege azaıtýǵa baǵyttalǵan birneshe túzetýler usyndy, biraq kópshilik bul ózgeristerdi qoldamady.