Májiliste «Mádenıet týraly» zańǵa túzetýler engizildi. Iaǵnı, qazaq tilin qorǵaý jáne saqtaý úshin biryńǵaı aqparattyq júıe qalyptastyrý jáne qazaq tiliniń ulttyq sózdik qoryn qurý kózdelip otyr. Jańa zańǵa sáıkes, mátinderdi óńdeý jáne taldaý maqsatynda jasandy ıntellekt negizinde qazaq tiliniń tildik modelin qurý kózdeledi.
Jańa júıe keń aýdıtorıanyń qazaq tiliniń normalary men erejelerin turaqty paıdalanýyn jáne qoljetimdi bolýyn qamtamasyz etedi.
Buǵan qatysty Asqat Aımaǵambetov qazaq tiliniń ulttyq sózdik qory belgili bir termınderdi qoldaný kezinde kómekshi qural bolatynyn aıtty.
«Sıfrlyq sózdik jasandy ıntellekttiń qazaq tilimen ózara is-qımylyn jaqsartýdyń negizgi quraly bolady. Bul ár sózdi ártúrli qoldanatyndar úshin mańyzdy. Mysaly, jasandy ıntellekt sózdi qalaı qoldaný kerektigin túsinýi úshin oǵan ártúrli jaǵdaılarda qoldanýdyń kóptegen nusqalaryn usyný qajet. Sózdi tańdaýda jasandy ıntellekttiń adamnan aıyrmashylyǵy, ol tek algorıtmderge negizdelgen. Sondyqtan árbir sóz ben sóz tirkesin dál ári tereń pysyqtaý mańyzdy», - dedi ol.
Pikir qaldyrý