Shamamen Túrkistanda bolǵan bul jaǵdaıdyń vıdeosyn Erkinbek Serikbaı esimdi Facebook paıdalanýshysy óz paraqshasyna júktegen.

Onda jas jigitterdiń qarýdy aspanǵa baǵyttap, oq jaýdyrǵanyn kórýge bolady. Aınalada adam tolyp júrgeni qarýlanǵan toı qonaqtaryn toqtata qoımaǵan.

Vıdeony kórgenderdiń deni jastardyń bul áreketteri aqylǵa qonymsyz ekenin jazýda.

“Saıramda osyndaı jaǵdaıdan (toı qarsańynda) jýyrda ǵana ot shyǵyp, birneshe adam qaıtys bolyp edi, mynalar sony bile me eken?”, – dep tańdanysyn jazǵan vıdeony kórgenderdiń biri.

Eske salsaq jaqynda Ońtústik Qazaqstan oblysy Mankent qalasynda toı qonaǵynyń saltanatty kesh ústinde jaýdyrǵan oǵynan  2 adam qaıtys bolǵan edi.

Oq jas jubaılar mingen kólikten atylǵan. Kúıeý jigittiń dosy sýyq qarýmen aspanǵa oq atyp, jurttyń nazaryn ózderine aýdarmaq bolǵan.

Kortedj toqtaǵan kezde 19 jastaǵy jigit abaısyzda myltyqtyń shúrippesin basyp jibergen. Qańǵyǵan oq kólik júrgizýshisi men olardy kútip alýshy 23 jáne 26 jastaǵy áıel men eki búldirshinge tıgen.

Saldarynan aýyr oq jaraqatyn alǵan kelinshektiń biri sol jerde jan tásilim etken. Kóp qan joǵaltqan ekinshi kelinshek operasıa ústinde qaıtys boldy.