Úkimet Jezqazǵan qalasyndaǵy sharýashylyq-aýyz sý tazartý qurylystaryn qaıta jańǵyrtý úshin respýblıkalyq rezervten 1,8 mıllıard teńge kóleminde qarajat bóldi. Bul qarjy tazartý júıesiniń ekinshi kezeńin iske asyrýǵa baǵyttalǵan. Joba aıasynda táýligine 124 myń tekshe metrge deıin sý tazartýǵa múmkindik beretin zamanaýı membranalyq jabdyq ornatylyp, qoldanystaǵy nysandar tolyq rekonstrýksıadan ótedi.

Qalanyń negizgi sý kózi — Keńgir sý qoımasy. Sý tazartý nysandary 1966 jyly paıdalanýǵa berilgen, al búginde olardyń jabdyqtary men tehnologıalarynyń tozý deńgeıi 90 paıyzǵa jetken.

Resmı málimet boıynsha, joba Jezqazǵannyń 98,6 myń turǵyny úshin sanıtarlyq-gıgıenalyq ómir sapasyn arttyrýǵa, sondaı-aq áleýmettik jáne ekologıalyq jaǵdaıdy jaqsartýǵa múmkindik beredi.