Tamyz aıynda otandyq metalýrgıa alyby «ArselorMıttal Temyrtaý» AQ-y basshylyǵy kompanıa kásiporyndaryndaǵy jumysshylardyń eńbekaqysyn qysqartý týraly sheshim shyǵarǵan. Temirtaý qalalyq soty kompanıa basshylyǵynyń bul buıryǵyn zańsyz dep tapty, - dep habarlaıdy «Qamshy» portaly BNews.kz-ke silteme jasap.

Aǵymdaǵy jyldyń 4 tamyzy kúni «ArselorMıttal Temyrtaý» AQ-y bas dırektory Vıdjaı Mahadevan kompanıa kásiporyndaryndaǵy jumysshylardyń eńbekaqysyn 25 paıyzǵa qysqartý týraly №495 buıryqqa qol qoıǵan.  Osyǵan oraı metalýrgterdiń «Jaqtaý» kásipodaǵy narazylyq tanytyp, Qaraǵandy oblystyq prokýratýrasy men eńbek ınspeksıasy basqarmasyna shaǵym túsirgen. Atalǵan mekemelerdiń kompanıa buıryǵyn zańsyz dep taýyp, kúshin joıý týraly talaptaryna «ArselorMıttal Temyrtaý» AQ-y basshylyǵy pysqyryp ta qaramaǵan.

Eńbekshilerdiń quqyn qorǵaý maqsatynda eńbek jónindegi ınspektorlar sotqa aryzdanǵan. Sot kompanıa basshylyǵy eńbekaqyny qysqartý týraly buıryqty Qazaqstan Respýblıkasy Eńbek kodeksi talaptaryn buzady dep tanyp, kúshin joıyp otyr.