2026 jyldyń 16 maýsymynda EmiratesSkyCargo ( Emirates áýe kompanıasynyń enshiles uıymy ) júk tasymaly Dýbaı – Almaty baǵyty boıynsha Boeing 777F ushaǵymen alǵashqy reısin oryndady. Almaty halyqaralyq áýejaıy alǵashqy júk reısin avıasıadaǵy dástúrli sý doǵasymen qarsy aldy. Qyzmetkerler ekıpaj múshelerin saltanatty túrde kútip alyp, tusaýkeser rásimin ótkizdi.
Almaty – Dýbaı – Almaty baǵyty boıynsha aptalyq júk reısteri ár seısenbi kúni oryndalady. Áýe kompanıa aptasyna 100 tonnadan astam júk tasymaldaý múmkindigin qamtamasyz etedi. Bul Almaty men halyqaralyq naryqta elektronıka, tez buzylatyn ónimder, ónerkásiptik jabdyqtar jáne basqa da tutyný taýarlaryn qosa alǵanda, ártúrli júk túrlerin tıimdi ári úzdiksiz tasymaldaýǵa múmkindik beredi.
Almaty halyqaralyq áýejaıy EmiratesSkyCargo kompanıasynyń Ortalyq Azıadaǵy alǵashqy baǵytyna aınaldy.Jańa júk baǵytynyń iske qosylýy Qazaqstannyń logıstıkalyq múmkindikterin keńeıtip, Ortalyq Azıa, Taıaý Shyǵys jáne álemniń basqa óńirleri arasyndaǵy kólik-logıstıkalyq baılanystardy nyǵaıtady.
