Kópshilik asyǵa kútetin «Qymyzmuryndyq – 2026» merekesi 27 maýsym kúni Kegen aýdanyndaǵy Qarqara jaılaýynda ótedi. Atalmysh shara abyz baba Álmerek Janshyqulynyń 368 jyldyǵymen qatar uıymdastyrylmaq. Merekege elimizden, Túrkıa, Ázirbaıjan, Qyrǵyzstan, Qytaı, Túrkmenstan, Ózbekstan, Qaraqalpaqstan Respýblıkasy jáne ózge memleketterden 35 myńǵa jýyq qonaq keledi dep josparlanyp otyr.

Qymyzmuryndyq – qazaq halqynyń atadan balaǵa mura bolyp kele jatqan ıgi dástúrleriniń biri. Bul – qonaqjaılylyqty, jomarttyqty, yntymaq pen birlikti dáripteıtin mereke. Atalmysh sharanyń týrızmdi damytýǵa da yqpaly mol bolmaq.

Qarqara jaılaýynda bul mereke buǵan deıin tórt ret uıymdastyrylǵan. Ótken jyly sharaǵa 8 myńnan astam adam qatysyp, 40 kıiz úı tigilgen. Sondaı-aq 250-ge jýyq shaǵyn bıznes ókilderitartylǵan bolatyn. Al bıyl 80-nen astam kıiz úıtigilip, kelýshiler sany birneshe esege artady depkútilýde.

«Qamyzmuryndyq – 2026» mádenı-kópshilik jáne sporttyq is-sharasy aıasynda ulttyq dástúrler men oıyndar pash etilip, qolóner kórmesiuıymdastyrylady. Atap aıtqanda, at báıgesi, qazaq kúresi, qyz qýý, teńge ilý, jamby atý, qoıkóterý syndy saıystar ótedi. Sonymen birge«Topjarǵan» etno-óner ortalyǵynyń shoý baǵdarlamasy, «Tolaǵaı» óner ortalyǵynyńqoıylymdary, oblys ónerpazdary men tanymalestrada juldyzdarynyń konserti kópshiliknazaryna usynylady. Jastar úshin altybaqan, arqan tartys, qol kúres jáne ulttyq oıyndaruıymdastyrylsa, balalarǵa arnalǵan arnaıyaımaqta atraksıondar, qýyrshaq teatry, qolóner, sýret salý, shahmat jáne toǵyzqumalaq jarystaryótkiziledi.

Qazirgi tańda Qarqara jaılaýynda daıyndyqqarqyndy túrde júrgizilýde. Uıymdastyrýshylarbáıge alańyn retke keltirip, kórermendergearnalǵan oryndardy ázirlegen. Qonaqtarǵaqolaıly jaǵdaı jasaý maqsatynda barlyquıymdastyrý sharalary josparly túrde júzegeasyrylýda.