Nesıege kólik alǵan qazaqstandyqtardyń bankterge qaryzy aǵymdaǵy jyldyń qazan aıynda 403,1 mıllıardt teńgeni quraǵan,- dep habarlaıdy «Qamshy» portaly Tengrinews.kz–ke silteme jasap.

Birinshi nesıelik búro taldaý ortalyǵynyń málimdeýinshe nesıege kólik alǵan qazaqstandyqtardyń bankterdegi qaryzy 2015 jyldyń basyndaǵy kórsetkishten 11,6 paıyzǵa artyp, 403,1 mıllıard teńgeni quraǵan. Sonymen qatar, on aı ishinde nesıelik kelisim-sharttar sany da 31,5 paıyzǵa ósken.

Mamandar, sonymen qatar, neıelik kelisim-sharttardyń ortasha quny 1,84 mıllıon teńgeden 1, 77 mıllıonǵa tómendegenin aıtýda. Bul qazaqstandyqtardyń daǵdarys jaǵdaıynda barynsha arzan kólik minýge kóshkenin bildiredi deıdi sarapshylar. Taldaý kórsetkendeı, kún saıyn elimizde kólik alý úshin 100 shaqty nesıe rásimdeledi eken.