Aqtóbe oblysy ákimdigi alǵash ret Sara Nurqatovaǵa qatysty resmı aqparat taratty.  Bul týraly «Qamshy» portaly 31.kz-ke silteme jasap habarlaıdy.

Oblys ákiminiń baspasóz qyzmetiniń málimetinshe, ákimdikke respýblıkalyq qoǵamdyq keńestiń qaýlysy kelip túsken. Sondyqtan da, uly men kelini basqarmada basshylyqta otyrǵan Sara Nurqatovanyń ústinen tekserý bastalmaq. Qazirgi kezde atalǵan jaǵdaı memlekettik qyzmetkerlerdiń  Ar-Namys Kodeksindegi moraldyk-etıkalyq normalarǵa sáıkes jáne qoldanystaǵy zańnamalardyń aıasynda qaralý ústinde, -dep habarlaıdy Aqtóbe oblysy ákiminiń baspasóz qyzmeti.

Aıta keteıik,  bıylǵy jyldyń  14 qazan kúni Astanada ótken jıynda "Nur Otan" partıasynyń ókilderi Aqtóbe oblysy ákiminiń orynbasaryn synǵa alyp, balalaryn óz qolastyndaǵy eki basqarmaǵa laýazymdy qyzmetke qoıǵan dep aıyptaǵan bolatyn. Al Sara Nurqatovanyń ózi meniń qyzmetimnen aǵattyq tabar bolsa ornymdy bosatamyn degen edi.