Búgin Senattyń jalpy otyrysynda depýtattar «Aqparattandyrý týraly» jáne «Qazaqstan Respýblıkasynyń keıbir zańnamalyq aktilerine aqparattandyrý máseleleri boıynsha ózgerister men tolyqtyrýlar engizý týraly» eki zańdy qabyldady. Bul týraly «Qamshy» portaly  Baq.kz-ke silteme jasap habarlaıdy.

Zań jobasynyń maqsaty aqparattandyrýdy uıymdastyrýdyń qazirgi zamanǵy halyqaralyq standarttarǵa jaýap beretin tıimdi júıesin zańnamalyq turǵydan engizý arqyly qazaqstandyq qoǵamdy aqparattandyrýdyń odan ári damýyn qamtamasyz etý bolyp tabylady. Zań jobasynda negizgi uǵymdardyń máni ashylyp, aqparattandyrý salasyndaǵy qoǵamdyq qatynastardy memlekettik retteýdiń qaǵıdattary, maqsattary men mindetteri aıqyndalyp otyr.

«Álemde kúndelikti tehnologıalar ózgerip jatady. Osyǵan baılanysty barlyq elder zańnamalyq bazalaryn jańalaıdy. Muny bizge de jasaý qajet. Biz Koreıa, Avstralıa, Sıngapýr, Kanada, Fınlándıa, Malaızıa sıaqty elderdiń aqparattyq-kommýnıkasıalyq tehnologıalar salasyndaǵy tájirıbesine súıendik», – dedi QR-y Investısıalar jáne damý jónindegi mınıstri Áset Isekeshev.

Sondaı-aq, Á.Isekeshev memlekettik fýnksıalar men qyzmetterdi avtomattandyrý merzimi 3 jyldan 1,5 jylǵa deıin qysqaranyn aıtady. Budan bólek, ol memlekettik organdardyń ınternetpen jumys jasaý qaýipsizdiginiń deńgeıi joǵarylaıtynyn málimdedi.

«Abonenttik nómirlerdi uıaly baılanystyń bir operatorynan ekinshisine tegin aýystyrý ishki jáne ózge jelige baılanys baǵasyn tómendetýge múmkindik beredi», –  dep atap ótti mınıstr.

Sondaı-aq, zań jobasy qabyldanǵannan keıin halyqtyń saýattylyǵyn arttyrý barlyq memlekettik organdardyń jaýapkershiligine kiretin bolady. Bul jalpymemlekettik iske aınalmaq.