Qazaq eliniń Eýropalyq Odaqpen tarıhı qujatqa qol qoıatyn kúni jaqyndady. Bul týraly «Qamshy» portaly Ktk.kz-ke silteme jasap habarlaıdy.

Tipti taıaýda Astanaǵa Eýropalyq komısıanyń tóraǵasy Jan-Klod Iýnkerdiń ózi kelmek. Sóıtip, resmı Astana Eýrazıalyq ekonomıkalyq Odaqqa múshe bolǵanyna qaramastan Eýropalyq Odaqpen baılanysyn jandandyra bermek. Al Eýropamen sý jańa kelisim alys-beristi qazirgiden de arttyrýy tıis. Óıtkeni, Aqordada memleket basshysy Nursultan Nazarbaev Eýropalyq Odaqtyń jańa elshisi Traıan Laýrensý Hrısteadan senim gramotasyn aldy.

Sonymen qatar Astanada  Majarstan, Polsha, Vetnam, Túrkıanyń elshileri aýysyp, qyzetterine kiristi. Dıplomattarǵa memleketter arasyndaǵy dostyqqa dáneker bolýǵa shaqyrǵan Elbasy, olarǵa da Eýropalyq odaqpen jasalatyn tarıhı kelisim týraly da aıtyp berdi.

«Qazaqstannyń dúnıejúzilik saýda uıymyna kirý sharttary týraly kelissózge qol qoıyldy. Osy tarıhı qujatqa qol qoıý úshin Eýropalyq Odaq basshylyǵynyń Astanaa resmı saparmen kelýin kútemiz. Bul qadam Qazaqstan men Eýropalyq Odaq qarym qatynasynyń jańa kezeńine jol ashady», – dedi N.Nazarbaev