Soltústik Qazaqstan oblysynda qar astynda qalǵan joldarǵa asfált tóselýde. Bul týraly «Qamshy» portaly «Astana» arnasyna silteme jasap habarlaıdy.

Respýblıkalyq mańyzdaǵy «Jezqazǵan-Petropavl» tas jolynyń SQO aýmaǵyndaǵy bóliginde qar ústinen asfált tóseý jumystarynyń júrgizilip jatqany túsirilgen beınejazba «Astana» arnasyna jiberilgen. Alaıda, mamandar mundaı áreketke tań qalýǵa bolmaıtynyn, kúnniń sýyq mezgilinde de jol jabyndylaryn tóseýdiń arnaıy tehnologıalary bar ekenin aıtqan. Sonymen qatar, SQO-da klımattyq erekshelikterge baılanysty jol jóndeý maýsymy bul óńirde erte aıaqtalatyny da aıtylǵan.

«Búginde asfált tósep jatqan merdiger arnaıy belsendirilgen mıneraldy untaqtardy paıdalanýda. Qar jaýyp turǵan kezde asfált tóseý jumystary toqtatylǵan bolatyn. Tehnıkalyq qadaǵalaý organdarynyń usynystary bar. Sosyn merdiger qosymsha qarajatqa arnaıy untaqtar alyp jumysty jalǵastyrdy. Mundaı jumystar eger, qaıtadan jaýyn-shashyn bolatyn bolsa toqtatylady», - deıdi «Qazavtojol» UK» AQ-y SQO-y boıynsha fılıaly dırektorynyń orynbasary Almas Ydyrysov.