Reseı Federasıasynyń Ishım qalasynda ornalasqan №4 aýrýhanada dárigerlerdiń qatesi saldarynan tótenshe jaǵdaı oryn aldy. 2 jasar pasıenttiń papıllomasyn alyp tastaý otasyn jasaý kezinde elektr quralynan ushqyn shyǵyp, búldirshinniń astynda jatqan spırt sińgen maılyq jana bastady.

«Hırýrg dárigerdiń jol bergen buzýshylyqtary saldarynan kishkentaı jastaǵy pasıent oń jaq qulaǵy men betin 1-2 dárejeli termıalyq kúıikter shalǵan», - dep baıandady RF-nyń Túmen oblysy boıynsha tergeý komıtetiniń baspasóz qyzmetinen.

Ishım aýdanaralyq tergeý bóliminiń ókilderi alańǵasar dárigerdiń ústinen «Ómir men densaýlyq qaýipsizdigi talaptaryna sáıkes kelmeıtin qyzmetter kórsetý» baby boıynsha is qozǵady. Qylmystyq isti tergeý jalǵasýda. Eger kúdiktiniń kinási dáleldense, ol eki jylǵa bas bostandyǵynan aıyrylýy múmkin, dep jazady sheteldik BAQ.