Aqtóbedegi "Káýsar bulaq" balabaqshasynyń tárbıeshisine qatysty ol balalardyń aýzyna skoch japsyrdy degen kúdik bar, - dep habarlaıdy «Qamshy» portaly Tengrinews.kz – ke silteme jasap.

Balabaqsha meńgerýshisi Svetlana Qosybaevanyń aıtýynsha, taıaýda tárbıelenýshi balalardyń biriniń anasy shaǵymdanyp, vıdeo kórsetken, onda balalar hormen tárbıeshige skochtyń ne úshin keregin túsirip tur. Keıin ol shaǵym orta toptaǵy balalardyń tárbıeshisi Gúlnur Qoıshyǵarınanyń ústinen tústi, tap sol áıel úsh jasar balalardyń aýzyna skoch japsyrý tásilin qoldanatyn kórinedi.

Áıel balabaqshada 2013 jyldan beri jumys isteıdi, buǵan deıin Oıyl aýdanynda qyzmet etken. Basshynyń aıtýynsha, buǵan deıin onyń ústinen eshkim shaǵymdanbaǵan, al aıtylǵan jaǵdaıdy ol joqqa shyǵaryp otyr.

"Qazirgi tańda birneshe mamannan jáne ózimnen qurylǵan komısıa balabaqshada júr. Búgin ata-analarmen kezdesemiz. Qyzmettik tergeý júrgizemiz. Barlyq komentarı tergeý aıaqtalǵan soń beriledi", - dedi telefon arqyly Aqtóbe bilim bóliminiń basshysy Lázzat Orazbaeva.