Elimizdiń batys óńirinde, atap aıtqanda Aqtóbe obylysynda salafızm ıdeıasyn ustanýshylar sany kemigen. Bul týraly «Qamshy» portaly Tengrinews.kz – ke silteme jasap habarlaıdy.

Oblys ákimi Berdibek Saparbaev Aqtóbedegi ekstremızmmen kúres jóninde aıtyp berdi.

"Bizde tórt aýdanda ekstremızmmen baılanysty máseleler bar. Biz Temir aýdanynan aımaqtyq terorızmmen jáne ekstremızmmen kúres ortalyǵyn ashtyq. Ol jerde UQQ, prokýratýra jáne basqa da resmı organdardyń qyzmetkerleri jumys isteıdi. Olar jergilikti bılikpen birge osy máselelermen aınalysady", - dedi B. Saparbaev.

Oblys ákimi túsindirý jáne nasıhattaý jumystarynyń jalǵasatynyn atap aıtty. "Kelesi - úkimettik emes uıymdardy qoldaý. Bizde osy máselelermen turaqty túrde aınalysyp, halyqpen kezdesetin, problemalarǵa sáıkes jumys isteıtin osyndaı birneshe uıym bar. Nátıjesinde sońǵy eki jylda salafızm jaqtastarynyń sany shamamen eki esege qysqardy. Biz bul jumystardy jalǵastyramyz", - degen Saparbaev myrza.

Eske sala keteıik, ortalyq komýnıkasıalar qyzmetinde halyqaralyq terorızm máseleleri talqylandy. QSZI dırektory Erlan Qarın álemde jylyna 13 myńnan asa terrorlyq shabýyl jasalatynyn aıtty.