Qanat Islamuly men Ardaq Nazarovqa arnaý
 

Asaýdyń jalynda,
Aqpady daýylda,
Aryndap ósken,
Altaıdyń taýynda.

Namysyn arǵa janyǵan, 
Imandy erte tanyǵan.
Babadan qonyp batyrlyq,
Kıesi tolyq daryǵan.

Ananyń aq sútin,
Aq arymen aqtaǵan.
Batyr týǵan Babanyń,
Qaıratyn boıyna saqtaǵan.

Júdyryǵy qúryshtaı,
Bilekteri qylyshtaı.
Qarsylasyna siltese,
Berennen shyqqan myryshtaı.
 

Qaıyrmasy:

Arbassa júregi bar,
Alyssa bilegi bar.
"Elim"dep emirengen,
Imandy tilegi bar.
Qazaǵym baqytty,
Islam Qanataı,
Nazarov Aardaqtaı,
Qara nar qas Batyr,
Kókjal uldary bar.

Altaı-Alataý asýyndaı,
Ertis-Emil tasýyndaı.
Qos kókjal jeńis alyp kele jatyr,
Qazaqtyń birge týǵan balasydaı.

Altaıdan ushqan aq súńqar,
Altynan bolsyn dińgegiń.
Kumisten bolsyn ilgegiń,
Kók Týdy bıik kóterip,
Jeńistiń aldyn bermegin.

Alataýdan ushqan qyranym,
Altyndaı janǵan shyraǵym.
Álemnen alyp úsh dúrkin,
"Chempıon"degen ataqty,
Tatyrdyń jeńis bulaǵyn.
Shýlattyń ǵalam qulaǵyn,
Qazaq sondaı razy,
Jar bolsyn saǵan bir Alla.

Batyrdan qalǵan izisiń,
Sheshenderdiń sózisiń.
Qabanbaı men Raıymbektiń,
Búgingi tiri kózisiń.

Ustasa kók shoıyndy úgedi,
Judyryqty aq jaýyndaı tógedi.
Qaıratyna qarsylasy shydamaı,
Qara nardaı aldyna kep shógedi.

Qanat-dúldúl, Túlpardaı,
Ardaq-qyran,Súńqardaı.
Aldyna kelgen dáýlerdi,
Qúlatar úryp búltarytpaı.

Ardan týǵan, arman qýǵan azamat,
Kórseń jarysta tipti ǵalamat.
Til men kózden qalas bolsyn qos batyr.
Qazaǵymnyń mańdaıyna bitken qas batyr.
Elim úshin, Otan úshin, 
Bolsyn máńgi salamat,
Babadan qalǵan ósıet,
Oryndalsyn Amanat.
Ardaǵym men Qanatqa,
Bolmasyn esh jamanat.

Bolat Bopaıuly