Astana ákimi Ádilbek Jaqsybekov "Almaty" jáne "Saryarqa" aýdandarynyń ákim apparattaryna jańa ákimderdi tanystyrdy, - dep habarlaıdy «Qamshy» portaly Tengrinews.kz-ke silteme jasap.

Búgin qalalyq máslıhattyń kezekten tys sesıasynda depýtattar "Almaty" jáne "Saryarqa" aýdandarynyń jańa ákimderi qyzmetine usynylǵan Ermaǵanbet Qabdýlauly Bólekpaev pen Pavel Sergeevıch Kýlagınniń kandıdatýralaryn biraýyzdan qoldady.

Ádilbek Jaqsybekov eki ákim de eńbek jolynda ózderin jaqsy jaǵynan kórsete bilgen, túrli laýazymdardy atqarýda tájirıbeleri mol ekendigin aıtty. 

Bólekpaev buǵan deıin Saryarqa aýdanynyń ákimi qyzmetin, oǵan deıin Memlekettik qyzmet isteri jónindegi agenttik júıesinde, Qaraǵandy jáne Ońtústik Qazaqstan oblystarynda Agenttiktiń aýmaqtyq basqarmalarynda basshy, Astana qalasy Tártiptik keńesiniń tóraǵasy qyzmetterin atqarǵan. Kýlagın buǵan deıin Astana qalasynyń Komýnaldyq sharýashylyq basqarmasynyń basshysy, "Almaty" aýdanynyń ákimi qyzmetterin atqarǵan. Jaqsybekov sondaı-aq, aýdandyq ákimdikter ujymdaryna aldaǵy kezeńge mindetterdi belgilep berdi.

Aıta keteıik, osyǵan deıin Aqmola oblysynyń ákimi Sergeı Kýlagınóziniń uly Paveldiń erte bastalǵan mansaby týraly qoıylǵan suraqqa jaýap bergen bolatyn.