"Samuryq-Qazyna" ulttyq ál aýqat qory" AQ basqarma tóraǵasy Ómirzaq Shókeev ulttyq kompanıalardaǵy bonýstar jaǵdaıy týraly aıtyp berdi. Bul týraly "Qamshy" portaly today.kz-ke silteme jasaı otyryp habarlaıdy.
Ol top-menedjerlerdiń bonýstaryn sóz etý ádepsiz dep esepteıdi. Onyń aıtýynsha "Samruq-Qazyna" qorynda bulaı etpeıdi.
"Adamdy qysqa ýaqyttyq jumysqa aýystyryp, al top-menedjerler bonýs túrinde syıaqy alatyny qalypty. Ýaqytqa qaraý kerek. Kontekstten bir nárseni julyp alyp, sensasıa qylady – men munymen kelispeımin. Áńgime menedjerdiń 2013-2014 jyldary alǵan bonýstary jaıynda. Olar ol kezde sol grafıkpen jumys istedi", - dedi Ómirzaq Shókeev QR Májilis Parlamentindegi plenarlyq otyrys barysynda.
Onyń aıtýynsha, 2013 pen 2014 jyl QTJ men "Samuryq-Qazyna" úshin jaqsy jyldar bolǵan. "Paıda boldy, saıttan QTJ-nyń qandaı paıda túsirgenin kórýge bolady. Jalpy kompanıanyń syıaqy tóleý júıesi 2006 nemese 2007 jyly qurylǵan. Bonýstar kompanıanyń paıdasyna baılanysty, biraq olar úsh aılyqtan joǵary bolmaıdy. Sondyqtan, 15 adamnyń boýsyn alyp, úlken sandar shyǵarý – bul durys emes. 15 adamǵa bólý kerek, bul sondaı kóp emes", - dedi kompanıa basshysy.
Onyń pikirinshe, menedjerlerdiń bonýsyn jalpy halyq aldynda jarıalaýǵa bolmaıdy. Bul ınvestısıalyq klımatqa tikeleı áser etedi.
Sondaı-aq ol osy jyly jaǵdaıdyń aýyrlyǵy men paıdanyń bolmaıtynyna baılanysty eshkim bonýs almaıtynyn atap ótti.
Esterińizge salsaq, 15 qarashada áleýmettik jelilier men BAQ-ta QTJ-nyń jumysshylary kompanıanyń shendi qyzmetkerleri mıllıondaǵan bonýstar alatyndyǵyna narazylyq bildirgen aty-jóni kórsetilmegen hat taraǵan bolatyn. Keıin "Qazaqstan temir joly" kompanıasynyń qyzmetkerleri mıllıondaǵan bonýstar týraly aqparatty joqqa shyǵardy.
