Aqmola oblysynyń Býrabaı aýdanyndaǵy Zlatopole aýylynda jergilikti hrıstıan zıratyndaǵy temir qorshaýlardy urlaýmen aınalysqan 28 jáne 30 jastaǵy eki er adam qolǵa tústi. Bul týraly "Qamshy" portaly "Kazınform"-ge ilteme jasaı otyryp habarlaıdy.
Polıseılerdiń málimeti boıynsha, ustalǵandardyń ekeýi de Shýche qalasynyń turǵyndary.
Zlatopole aýyly turǵynynyń Býrabaı aýdandyq İİB kezekshilik bólimine habarlaǵan aqparatyna saı júrgizilgen jedel-izdestirý sharasy barysynda atalǵan eldi mekendegi hrıstıan zıratynan 10 temir qorshaýdy qoldy qylǵan 28 jáne 30 jastaǵy Shýche qalasynyń eki turǵyny ustaldy.
Kúdiktiler urlanǵan qorshaýdy metal qabyldaıtyn pýnktke bar-joǵy 18 myń teńgege ótkizgen.
“Qazirgi kezde, kúdiktilerdiń ústinen Qylmystyq kodekstiń 188-babynyń 2-bólimi boıynsha qylmystyq is qozǵaldy. Sonymen qatar, olardyń «Aýdı» jáne «Folksvagen» kólikteri aıyp alańyna qoıyldy», – dep kórsetilgen habarlamada.
