Memleket basshysy N. Nazarbaev búgin «Qazaqstan Respýblıkasynyń keıbir zańnamalyq aktilerine halyqtyń kóshi-qony jáne jumyspen qamtylýy máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń zańyna qol qoıdy.
Atalǵan zań jobasy elimizge joǵary bilikti sheteldik mamandar tartý úshin qolaıly jaǵdaı qalyptastyrý baǵytynda prezıdenttik bes ınstıtýsıonaldyq reformany júzege asyrý jónindegi 100 naqty qadam – Ult josparyn iske asyrýǵa, sondaı-aq halyqtyń kóshi-qony jáne jumyspen qamtylýy salasyndaǵy saıasatty odan ári jetildirýge baǵyttalǵan.
Sondaı-aq, zańda shetelde turatyn qandastarymyzdy atamekenge qonystandyrýdyń jáne olardy áleýmettik qamsyzdandyrýdyń jańa múmkindikteri qarastyrylǵan. Zań kúshine engen soń, otandastardyń el azamattyǵyn alý merzimi qysqaryp, taǵy birqatar jeńildikter usynylmaq.
Jańa zań mátini aqparat quraldarynda jarıalanatyn bolady.
KELİP TUR AQORDANY ALTY AILANǴYM
(Elbasymyzdyń
QR «Halyqtyń kóshi-qony» týraly
Zańyna qol qoıýyna
oraı)
Arttaǵy el úmit artyp jiberdi dep,
Ár kúni qaırttanyp, túrem bilek.
Patshań armanyńdy oryndasa,
Júregiń ketedi eken shyn eljirep!
Astanam Alpamystaı marqaıdy ár kún,
Sapynda ol búgin Máskeý, Shańhaılardyń...
Qaǵbany aılanatyn qajylardaı,
Kelip tur Aqordany alty aılanǵym!!
Bir qazaq bir qazaqty jeteleseń,
Ketesiń aralasyp etene sen!
Zańǵa anaý qoıǵan qolyn Nurekeńniń,
Baryp bir qysqyń kelip ketedi eken!!!
Qýanysh syılasam dep ár aptada,
Júgirdim Májiliske dalaq qaǵa.
Aıtylyp qala ma dep jaqsy habar,
Telmirdi el «Facebook»-tegi paraqshama.
Aqqýlar ushsyn beri tutas kólden,
Baqyt qoı Elińe kep, qushaqqa engen!
Esigin jazdaı qaqtym Mınıstrdiń,
Qolymda eski portfel Muqash bergen...
Minekı, artta qaldy sonyń bári,
Elbasym el tilegin oryndady.
Bul da bir ıgilikpen bitken sharýa,
Máńgilik El bolýdyń jolyndaǵy.
...Nemere, shóbereńdi mingestirip,
Endi bir jaltaqtamaı, shyn kóshshi, jurt!
Bul Zańnyń máni bólek, jóni basqa,
Bilgenge, bir núktesi – bir bestilik!!!
Aýyt Muqıbek
24.11.2015
Astana
