Túrik áskerı áýe kúshteriniń seısenbi kúni reseılik bombalaýshy ushaqty joıýy Reseı men Túrkıa arasyndaǵy eki jaqty saýdany keńeıtý josparyn joıyp qana qoımaı, sonymen qatar ekonomıkalyq baılanystyń úzilýine sebep bolýy múmkin. Bul týraly «Qamshy» portaly QazAqparatqa silteme jasap habarlaıdy.
Týrısik salaǵa qaýip tónip turǵany anyq - SİM men Reseıtýrızm reseılikterge Túrkıaǵa barýdan bas tartýdy usyndy, dep jazdy RBK.
Somasy jylyna $30 mlrd-ty quraıtyn ózara saýda men $2 mlrd-tan astam ózara jınaqtalǵan ınvestısıalar taǵdyry tarazyda tur. Túrkıa - kólemi boıynsha Reseıdiń besinshi orynda turǵan saýda seriktesi. RF-nyń syrtqy álemmen saýdasynyń 4,6% osy elge tıesili. Sondyqtan bul kórsetkish boıynsha Túrkıa Qytaı, Germanıa, Nıderlandy jáne Italıaǵa basymdyq berip, besinshi bolyp tur. Degenmen bul kórsetkishpen Belarýs, Qazaqstan jáne Ýkraınadan (árbirin jeke alǵanda) asyp otyr.
Reseı men Túrkıa arasyndaǵy taýaraınalym 2014 jyly $31 mlrd, 2015 jyldyń 9 aıynda $18,1 mlrd. qurady. Qyzmetter saýdasyn eseptegende reseılik-túrik kórsetkishteri joǵary: mysaly, 2014 jyly qyzmet pen taýar aınalymy shamamen $44 mlrd qurady.
Qyrkúıekte Reseı sırıalyq sodyrlarǵa bomba tastaı bastady. Bul Túrkıanyń narazylyǵyn týdyrdy.
