Úsh tilde bilim berýdi damytýdyń jol kartasyna sáıkes 2020 jyldan bastap elimizdegi joǵary oqý oryndaryndaǵy bilim berý júıesine aıtarlyqtaı ózgerister engiziledi. Bul týraly Ortalyq komýnıkasıalar qyzmetinde ótken baspasóz májilisinde QR Bilim jáne ǵylym mınıstrliginiń Joǵary jıtty. Bul týraly "Qamshy" portaly BNews.kz-ke silteme jasaı otyryp habarlaıdy.

«Jol kartasyna sáıkes joǵary oqý oryndarynda bilim berý mazmuny qaıtadan jańǵyrtylady. Bul kezde barlyq oqý merziminde aǵylshyn tili páni oqytylady. Birinshi kýrstan bastap pánderdiń 20 paıyzy ekinshi tilde oqytylady. Mysaly, qazaq tobynda oqıtyn stýdentter sabaǵynyń 20 paıyzyn orys tilinde, al orys bóliminde oqıtyn stýdentter úshin qazaq tilinde ótedi. Úshinshi kýrstan bastap bazalyq jáne kásibı pánder aǵylshyn tilinde oqytylady», - deıdi G.Kóbenova.

Onyń aıtýynsha, búgingi kúni joǵary oqý oryndaryndaǵy oqytýshylardyń tildik deńgeıin kóterý maqsatynda biraz jumystar jasalyp jatyr.

«Qazirgi tańda joǵary oqý oryndarynda qyzmet atqaratyn oqytýshylyq quram ózderiniń tildik deńgeıin jetildirip keledi. Joǵary oqý oryndaryndaǵy oqytýshylardyń 8 paıyzy aǵylshyn tilin jetik meńgergen. Tehnıkalyq, pedagogıkalyq, gýmanıtarlyq mamandyqtarda keıbir kásibı pánder aǵylshyn tilinde júrgizilip jatyr. Olar osy baǵytta jumystaryn jalǵastyrady. Sonymen qatar, oqý oryndaryna shetelden oqytýshy ǵalymdar kelip sabaq ótkizedi. Sońǵy úsh-tórt jyldyń ishinde 6 myńnan astam sheteldik ǵalym stýdentterge dáris oqyp, semınarlar ótkizdi. Birigip, ǵylymı zertteýler júrgizdi. sońǵy úsh jyldyń ishinde 3000-ǵa jýyq stýdent shetelde bir semestr bilim alyp kelip, qazir eldegi oqý oryndarynda oqýlaryn jalǵastyryp jatyr.