Qazaqstan premer-mınıstriniń orynbasary Darıǵa Nazarbaeva áıelderdiń Astanadaǵy IV Eýrazıalyq samıtinde úıiniń aýlasynda túlkiler men qoıandar júgirip júretinin aıtty, - dep habarlaıdy «Qamshy» portaly Tengrinews.kz-ke silteme jasap.

"Astanada árqashan kún shyǵyp turady, ásirese ony kórmeıtin sheneýnikterge. Biz tańǵy 9-da keńsege kiremiz de, shamamen keshki 9-da shyǵamyz. Kún shyǵyp, keremet kún boldy dep oılaısyń, kireberiste turyp, aýa raıy qandaı keremet boldy ári taza aýa dep oılaısyń. Shynymdy aıtsam, Astanada, menińshe, sońǵy 15-20 jylda aýa raıy klımaty qatty ózgerdi, sebebi munda daryndy adamdar kóptep jınalyp jatyr. Munda jandy, deni saý energetıka jınalyp jatyr. Astananyń aınalasynda tamasha orman ósip jatyr, onda janýarlar bar, úıimniń aýlasynda túlkiler men qoıandar júgirip júredi", - dedi Nazarbaeva áıelderdiń Astanadaǵy IV Eýrazıalyq samıtinde.

"Taıaýda ǵana bizdiń ormanshylarymyz Prezıdentimizdiń Astananyń aınalasynda orman ósirý týraly ıdeıasyn oılap tapqanynyń qandaı jaqsy bolǵanyn aıtyp jatyr edi. Sebebi qazir olarǵa da jumys tabyldy, janýarlar men qustar paıda boldy, olarǵa da jumysy qyzyq bola bastady", - dedi úkimet basshysynyń orynbasary samıttiń ashylýynda.