Tanymal jýrnalıs Aıgúl Múkeı "Astana EKSPO-2017" kompanıasynan jumystan shyǵyp ketti, - dep habarlaıdy «Qamshy» portaly Tengrinews.kz –ke silteme jasap. Onyń aıtýynsha, endi ol tanymal jýrnaldardyń birinde bas redaktor bolyp jumys isteıdi.
2014 jyly ol "Astana EKSPO-2017" kompanıasynyń baspasóz qyzmetine jumysqa turǵan bolatyn, al taıaýda marketıń departamentiniń dırektorynyń orynbasary bolyp taǵaıyndalǵan. "Men kompanıadan óz qalaýymmen kettim. Aryz jazdym, búginnen bastap men "Astana EKSPO-2017" kompanıasynda jumys istemeımin. Bul iri joba, kórme úshin bárimiz alańdap, qoldaý bildiremiz. Kompanıa úlken (...) Jumystan ketýime aıtarlyqtaı sebep bolmady, biraq men sharshadym, jumys aýystyrýdy sheshtim", - dedi Múkeı.
Aıgúl Múkeı - Qazaqstannyń tanymal telejúrgizýshileriniń biri. Túrli qyzmetterde, onyń ishinde BAQ-tardy basqardy. Birneshe ret eń sulý qazaqstandyqtardyń úzdik ondyǵyna kirgen. «Elarna» telearnasyn basqarǵan ol bala kútimine baılanysty demalystan shyqqan soń, byltyr «Astana EKSPO-2017» ulttyq kompanıasynyń baspasóz qyzmetine jumysqa ornalasqan edi.
