Búgin RF basshysy Vladımır Pýtın dástúrli Joldaýyn jasady. Federaldy jınalys Sırıadaǵy operasıada qaıtys bolǵan áskerı qyzmetshilerdi bir mınýttyq eske alýmen bastaldy, - dep habarlaıdy «Qamshy» portaly.

«Búgin Úlken Kreml saraıynyń Georgıı zalynda, orys áskerı dańqynyń tarıhı zalynda Qarýly kúshterdiń ókilderi, Sırıadaǵy lańkestikke qarsy operasıalarǵa qatysýshylar otyr. Lańketikpen kúreste jubaılarynan aırylǵan Irına Peshkova men Irına Pozynych te bizben birge. Sizderge jáne batyrlarymyzdyń ata-analaryna myń taǵzym» dedi V. Pýtın óz sózinde.

Reseı Prezıdenti Joldaýynda damý kórsetkishteri men bilim berý, densaýlyq saqtaý, aýylsharýashylyǵy, ekonomıkalyq damý, kapıtalǵa amnıstıa jarıalaý, lańkestikpen kúres sydy birqatar máselelerdi aıtty. Túrkıamen aradaǵy kıkiljiń de nazardan tys qalmady.

«Kez kelgen másele, suraq, qaıshylyqtar basqa da joldarmen sheshiledi. Biz Túrkıamen barlyq máseleler boıynsha áriptestikke ázir edik. Olardyń mundaı áreketke nege barǵanyn bir Alla ǵana biletin shyǵar» dedı V. Pýtın Túrkıaǵa qarata.