Namıbıanyń Vındhýk qalasynda IýNESKO-nyń Úkimetaralyq komıtetiniń materıaldyq emes mádenı muralardy qorǵaý máselesine arnalǵan otyrysy ótýde, - dep habarlaıdy «Qamshy» Mádenıet jáne sport mınıstrliginiń baspasóz qyzmetine silteme jasap.
Aıtys erekshe sýyryp salma óneri retinde Qazaqstan men Qyrǵyzstan atynan tizimge engizildi. Bul sýyryp salma aqyndyq óneri bar eki adamnyń arasynda bolatyn jarys, óleń oqylady nemese qazaqtyń dombyrasy syndy ulttyq mýzykalyq aspaptyń súıemeldeýimen shyrqalady. Taqyrypty tyńdarmandar tańdaıdy, al mýzykalyq ónerin, yrǵaqty sezinýin, ereksheligi men ushqyr oıyn jetkize bilgen qatysýshy jeńiske jetedi.
"Aıtys - jalpy mádenıettiń quramdasy jáne Qazaqstan men Qyrǵyzstannyń kópultty qoǵamynyń teńdiginiń belgisi. Jarys jergilikti nemese jalpy ulttyq mereke kezderinde uıymdastyrylady, taqyryptarynda kóbinese áleýmettik mańyzdy máseleler qozǵalady. Aldyńǵy býyn bul dástúrdi jastarǵa qaldyrady", - delingen IýNESKO aqparatynda.
Eske sala keteıik, ótken jyly IýNESKO qazaqtyń kúıi men kıiz úıin adamzattyń mádenı murasy qataryna qosqan bolatyn.
Materıaldyq emes mádenı murany qorǵaý komıtetiniń sheshimimen adamzattyń mádenı murasy qataryna 15 jańa element qosyldy.
Aıtystan ózge bul tizimge mynalar kirdi: KHDR-diń kımchı ázirleý dástúri; Tınos aralynda (Grekıa) mármár tas óńdeý; Balıdegi "(Indonezıa) ulttyq bılerdiń úsh janry; Fıchee-chambalaalla, sıdamo halqynyń (Efıopıa) Jańa jyldy toılaýy; "Oshıtýthı shomagongo", marýla tuqymynyń merekesi (Namıbıa); Kolka ańǵarynyń (Perý) "vıtıtı" bıi; Rýmynıa jigitteriniń bıi; Alarda alnaıdıa, Saýd Arabıasynyń daǵyrada oınap, án aıtyp, bıleýi; Slovakıa volynkada oınaý mádenıeti.
Sonymen qatar, bul tizimge túrkmenderdiń "Keroǵly" dastany kirdi. BAÁ-den birden birneshe element materıaldyq emes mádenı mura tizimin tolyqtyrdy: arab kofesi - qonaqjaılylyq sımvoly, "Ál-Razfa", dástúrli óneri (Oman), Medjlıs, mádenı ári qoǵamdyq oryn (Saýd Arabıasy, Oman, Katar). Venesýeladan tizimge mynalar kirdi - keptirilgen órikti óńdeý jáne ósirý tehnologıasy men dástúrli tásilderi, Malavıden - nkonde, týmbýk jáne cheva halyqtarynyń ertegileri men maqaldaryn saqtaý.
Bul tizimge kirý úshin beriletin ótinishterdi qaraý aıaqtaldy jáne usynylǵan 35 kandıdatýradan 23 jańa element qosyldy.
