Maqtanamyn qazaq bolyp týǵanyma
Qazaqtyqtyń qasıetimen beldi bekem býǵanyma,
Qazaqtyqtyń qanymenen kindigimdi jýǵanyma
Qazaqtyqtyń ıisimenen
Qazaq degen úndi estirtken qulaǵyma.
Qazaq degen qandaı edi erte bizden zamanda,
Taza ary,sýdaı jany,ystyq qany ámanda,
Uldary er-toqymnan túspeıtuǵyn
Qyzdary lasty jerden ótpeıtuǵyn,
Analary erleriniń qas qabaǵyn baǵatuǵyn
Al erleri mal-múlikti eńbekpenen tabatuǵyn.
Shirkin Qazaq,Qazaq dese
Júrekteri dúrsildep qaǵatuǵyn.
El birligin saqtap qalǵan qandaı qıyn kún tússe de,
Batyldyqtan taımaǵan er basyna qara bult úırilse de,
Jánibek pen Kereıdiń er eńbegi emes pe edi,
Jeńisiniń búgingi kún-nurly zaman jemisi de.
«Myń toǵyz júz on altyda» azamattyq qozǵalysta
Qýdalaýdyń zardabynan japa shekti alashym da,
Nar tulǵalar qamyn jegen qazaqtyń
Sol úshin de dámin tatty ashysynan azaptyń.
Kóp uzamaı qoldan soqqan asharshylyq jalmady,
Ajaldary ashtyq boldy,amal eshbir qalmady
«Uly juttyń» qasiretin ábden tartty qazaǵym
Bala-shaǵa,qart pen qurtań kóterdi bılik mazaǵyn,
Tynyshtyǵy endi ǵana buıyrǵanda basyna,
«Soǵys» degen zalym kelip syndyrdy saǵyn taǵy da,
Er jetilip,boı túzegen jasóspirim balasyn
Attandyrdy alash jurty,jylatyp Áz Anasyn.
Neni bastan ótkermedi 550 jyl tarıhta
Soǵys kórdik,ashtyq kórdik,ádiletsiz zaman kórdik,
Shyndyq izdep shyryldaǵan talaı abzal adam kórdik
Shyndyǵyna pysqyryp ta qaramaǵan keýli soqyr nadan kórdik.
Kórdik bizder azaptanǵan halyqtyń da jan aıǵaıyn,
Kórdik bizder talatpaǵan ar men namys jaǵdaıyn
Jeltoqsannyń yrǵazynda muzǵa alaý jaqqandar bar
Seksen alty jastaryn jyrǵa qospaı qalaı ǵana qalaıyn.
Artyq pa edi janymyz keshegi ótken Qaırattan,
Eldiń rýhyn asyram dep namysyn muzda qaıratqan
Lázzat penen Erboldardan artyq emes janymyz
Tarıhqa aty altynmen jazylsa da laıyqtan.
Sol rýh qaıda búginde namysty qoıǵan jaı bastan,
Sol kúsh qaıda búginde ajaldyń ózimen aıqasqan
Sol kek qaıda búginde kúshi syrttan tasyǵan,
Artyq emes janymyz sol batyrdan
Qadalǵan jerden qan alǵan.
Babalardyń urpaǵymyz qorǵaǵan elin jerim dep
Babalardyń urpaǵymyz kóter basty erim der,
Babalardyń urpaǵymyz kók bóriniń ózimen
Aıqasqanda jan bermeı, jan alatyn bóriden.
Táýelsizdik tańy atty toqsan birdiń qysynda
Sodan beri Shúkir Allah artta qaldy qysym da,
Búginde elim tań qaldyrǵan Jer sharynyń túkpirin,
«Qazaqstan» azat endi sýyń,taýyń,tasyń da.
Azat endi kókte ushqan qyran seniń qusyń da,
Azat endi «Elim» dep keýde qaqqan ulyń da
Azat endi elim azat,talaı syndy ótkergen,
Azat endi jerim azat,azat kógiń kún kótergen.
Synaq boldy talaı kezeń bizge qıyn berilgen
Synaqtardan ońaı emes,biri janyn kem kórgen,
Jeńdik bárin, jeńdik búgin el birligi astynda
Jeńdik bárin janyn qıǵan eren erler jasynda.
Qazaǵym dep rýhtanǵanda qanym qyzý tasyǵan
Tasyǵan da qanym menen keýdem birge tasyǵan,
Adal jandar kóp bolsynshy adal óter syndardan
Shyndyq jeńer qaı ýaqytta ádilet qurar basynan.
Bas kótergen búginde Qazaqstan bıikten,
Astanamdaı Bas qalam bar kóringendi
Kórkimenen úıitken
El aǵasy Nuraǵamdaı basshym bar,
Erleriniń izin jalǵap
Halqyn baqqa keneltken.
Maqtanamyn qazaq bolyp týǵanyma
Maqtanamyn qazaq atty keń etekti qorǵanyma
Maqtanamyn Syrdaı jerde týylyp,
Syrda ósip tolǵanyma
Maqtanamyn Táýelsizdik qurdasy men bolǵanyma!
Symbat Júsipova
Qyzylorda oblysy, Syrdarıa aýdany,
Besaryq aýyly
№147 orta mektep
2015 jyl
