«Shymkenttiń týrısik áleýetin arttyrý úshin kásiporyndarymyz básekege qabiletti bolýy qajet»

«RIXOS Khadisha Shymkent» qonaq úıinde «Shyraıly Shymkent 2015» týrısik jármeńkesiniń saltanatty ashylý rásimi ótti. Jármeńkeniń bastalýynda Shymkent qalasynyń ákimi Ǵabıdolla Ábdirahymov sóz sóılep, týrısik kórmeniń lentasyn qıdy.

Bul týraly Shymkent qalasy ákimi apparatynyń baspasóz qyzmetinen habarlady.

«Shymkent - Jibek joly boıynda ornalasqan ejelgi qala. Ertede munda túrli mádenıetter toǵysqan. Búginde, «Batys Eýropa-Batys Qytaı» kólik dálizi bizden ótýde. Azıa men Eýropany jalǵap jatqan bul qurlyqtyq kólik dáliziniń Shymqalamyz úshin ekonomıkalyq paıdasy mol. Sondyqtan, qalamyzdyń týrısik áleýetin arttyrý úshin bizdiń týrısik kásiporyndarymyz básekege qabiletti bolýy qajet», - dep atap ótti  Shymkent qalasynyń ákimi Ǵabıdolla Ábdirahymov.

Týrızm – kez kelgen elge ekonomıkalyq ahýalyna, tabıǵı baılyqtarynyń kólemine qaramaı tabys ákeletin sala. Ekonomıkany dıversıfıkasıalaý baǵytynda da bul sala mańyzǵa ıe. Sonymen qatar, týrızm birneshe janama salalardyń damýyna da jol ashady. Atap aıtqanda, tasymal, saýda-sattyq, qyzmet kórsetý salalarynyń tynysy ashyla túspek. Sol sebepti de týrızmniń óńir áleýetin arttyrýdaǵy róli erekshe dep zor senimmen aıtýǵa bolady.

Bul sharaǵa shahardyń 7 týrısik fırmasy, 5 qonaqúıi, 36 jeke qolóner sheberleri qatysty. Osy kórme arqyly Astanada ótetin «EXPO-2017» halyqaralyq mamandandyrylǵan kórmesine óńirdiń eń úzdik kásiporyndary men onyń sapaly ónimderi tańdap alynbaq. Qalanyń belgili kásiporyndary men qolóner sheberleriniń ónimderin tanystyrǵan sharanyń maqsaty qalanyń ishki týrızmin damytý jáne shetten ınvestorlar men týrıser tartý bolyp tabylady.   

Derekkóz: QazAqparat