Almatyda belgili maıdanger jazýshy, UOS ardageri Qalmuqan Isabaı qaıtys boldy, - dep habarlaıdy “Qamshy» portaly Qazaqstan Jazýshylar odaǵynyń hatshylyǵyna silteme jasap.

Jazýshyny aqtyq saparǵa shyǵaryp salý rásimi erteń Jazýshylar odaǵynyń ǵımaratynda saǵat 10-da ótedi.

Qalmuqan Isabaı 1925 jyly Pavlodar oblysyndaǵy Baıanaýyl aýdanynda týǵan. Qazaq memlekettik ýnıversıtetin támamdaǵan. 

1955-1985 jyldary «Sosıalısik Qazaqstan» gazetinde ádebı qyzmetker, «Juldyz» jýrnalynyń bólim meńgerýshisi, Qazaqstan Jazýshylar odaǵy janyndaǵy ádebıetti nasıhattaý búrosynyń dırektory qyzmetterin atqarǵan. 1985 jyldan bastap shyǵarmashylyq jumyspen aınalysady. Alǵashqy áńgimeler jınaǵy - «Baıan» atty áńgimesi 1959 jyly jaryq kórdi. Budan soń «Ajal qursaýynda», «Jumbaq úı», «Betpe-bet», «Sońǵy táýlik» poves, áńgime, ocherkter jınaqtary, «Cunqar samǵaýy», «Aıqyz», «Joldas komendant», «Kógildir qazyna», «Sert», «Arna» t.b. romandary basyldy.
Qyzyl Juldyz, Eńbek Qyzyl Tý, İ dárejeli Otan soǵysy, Qurmet ordenderimen, jáne kóptegen medaldarmen marapattalǵan.