Eýrazıalyq ekonomıkalyq komısıa otyrysynda Joǵary Eýrazıalyq ekonomıkalyq keńestiń (JEEK) «Eýrazıalyq ekonomıkalyq odaqqa múshe memleketterde 2020 jyl halyq sanaǵyn júrgizý raýndy týraly» ókim jobasy maquldandy. Jobany EEK ıntegrasıa jáne makroekonomıkanyń negizgi baǵyttary boıynsha alqa múshesi (mınıstri) Tatána Valovaıa usyndy, dep habarlady «Qamshy» portaly EEK baspasóz qyzmetine silteme jasap.
«Halyq sanaǵy - adamı áleýettiń sapasy men sany týraly mańyzdy aqparat kózi. Halyq sanaǵynyń nátıjeleri sondaı-aq, statısıkanyń kóptegen salalaryna baılanysty jáne múshe memleketter retinde de, tutastaı odaq retinde de damýdyń áleýmettik-ekonomıkalyq ındıkatoryn túzetý jáne naqtylaý múmkindigin beredi», - dep atap ótti Tatána Valovaıa.
Halyq sanaǵynyń nátıjeleri halyq sany men qurylymy, onyń eńbek qyzmeti jáne kóshi-qon ornalasýlary boıynsha ózekti derekter alýǵa múmkindik beredi. Qazirgi ýaqytta Eýrazıalyq ekonomıkalyq odaq elderinde halyq sanaǵy on jylda bir ret ótkiziledi, bul rette ádisnamada jáne ony ótkizý merzimderinde aıyrmashylyq bar.
Naqty kúni men baǵdarlamasy belgilenetin halyqtyń ulttyq sanaǵyn júrgizý týraly sheshimdi múshe memleketter úkimetteri qabyldaıdy. Halyq sanqtarynyń qujattaryn memlekettik statısıka salasyndaǵy ýákiletti organ bekitedi. Bul ulttyq sanaq zańnamasyna tolyqtaı sáıkes keledi.
Taıaý merzimde jáne statısıkalyq kórsetkishterdiń termınologıasy men ádisnamasyndaǵy biryńǵaı tásilder negizinde EAEO-ǵa múshe memleketterde halyq sanaǵyn ótkizý sanaq derekteriniń salystyrmalylyǵyn qamtamasyz etý úshin alǵyshart bolyp tabylady.
JEEK ókimin iske asyrý ulttyq jáne odaqtyq jaǵdaıda sheshimder qabyldap, josparlaý úshin qajetti EAEO aıasynda halyq sany, eńbek resýrstary jáne kóshi-qon aǵyndary týraly salystyrmaly derekter alýǵa yqpal etedi.
