«Habar», «24kz» telearnalarynyń Londondaǵy tilshisi Bela Qudaıbergenovanyń Feısbýktaǵy paraqshasyna  «Nakones-to ıa ýhojý ız HABARA (ı 24KZ, chto, vprochem, odna kontora))))!!!! Mená perepolnáet ogromnoe schaste!!!! Ia ponála ý mená estsovest!!:) Ia ne mogý bolshe VRAT!!!: (Aqyry Habardan ketetin boldym (24 KZ-dan da, ekeýi bir mekeme)!!! Men erekshe qýanyshty sezimdemin!!! Ózimniń ar-uıatym bar ekenin túsindim!!! Budan ári ótirik aıta almaımyn!!!),- dep jazǵany jeli qoldanýshylary arasynda qyzý talqyǵa túsýde. Bireýler onyń áreketin quptasa, bireýler beldi telearnada taǵy bir bos oryn paıda boldy dep pikir bildirýde.

Elimizdegi qos birdeı iri telearna tilshisiniń jumystan ketýine ne sebep bolǵany belgisiz. Jýrnalısiń ózi paraqshasyndaǵy jazbada jumystan ketetinine qýanyshty ekendigin aıtqan.

24.kz saıtynda B.Qudaıbergenovanyń «Habar» telearnasynda 2003 jyldan beri jumys isteıtindigi jazylǵan.

«Bul telearnaǵa óz halqym men mádenıetime etene jaqyn bolý úshin ornalastym. Sebebi jastaıymnan Máskeýde óskesin, «qazaq» sózine qatysty uǵymdardyń barlyǵy men úshin qyzyq. Máskeýde 8 jyl boıy menshikti tilshiniń qyzmetin atqarǵan men endi osy jumysty Londonda 5 jyl ýaqyt boıy jalǵastyrýdamyn. Keıbireýler meniń ájeptáýir tilshi ekendigimdi aıtsa da, ózim jazǵan materıaldarǵa kóńilim tolatyn kezder óte sırek kezdesedi. Sebebi birde ýaqyt tyǵyz, birde tehnıka men qarajat jaǵy qolbaılaý bolyp jatady…» dep jazady tilshi ózi týraly atalǵan saıtta.

Sondaı-aq, ol «Meniń bir armanym — kıno túsirý. Kim biledi, kúnderdiń kúninde bul oıym iske asyp qalar. Sol kezde búkil qazaqstandyqtarǵa aıtqym kelgenimdi fılm túrinde kórsetetin alatyn bolarmyn» degen oıymen bólisken.

«Habar» agenttigi» AQ tilshisiniń shýly jazbasyna qatysty áli resmı pikir bildirmedi.