8 jeltoqsanda Astanadaǵy «Han shatyr» oıyn-saýyq ortalyǵynda tanymal ánshi Qaırat Nurtastyń «Men ǵashyqpyn...» atty jańa ánder jınaǵyna engen «Mazala» ánine túsirilgen beınebaıannyń tusaýkeseri ótpek. Bul týraly «Qamshy» portaly «Qazaqstan» RTRK baspasóz qyzmetine silteme jasap habarlaıdy.
Jas ártistiń árbir jańa áni tyńdarmandardy tań qaldyrmaı qoımaıdy. «Men ǵashyqpyn...» atty úzdik 86 ánnen quralǵan 12-jınaǵyna ártistiń kópshilik súıip tyńdaıtyn ánderimen qatar jańa ánderi de kirdi. Sondaı-aq, jaqynda ǵana tyńdarmandarǵa jol tartqan, sózin Sh. Sarıev, ánin D. Sharıpov jazǵan «Mazala» atty ánine túsirilgen beınebaıannyń da tusaýy kesiledi. Máskeý qalasynda túsirilgen bul beınebaıannyń rejıseri - A. Golýbev.
Elorda turǵyndary men qonaqtary ózderiniń súıikti ánshisimen kezdesip qana qoımaı, qoltańbasy qoıylǵan dıskti Qaırattyń óz qolynan alý múmkindigine ıe bolady. Qaırat Nurtastyń jankúıerleri birinshi bolyp ártistiń óz aýzynan aldaǵy shyǵarmashylyq keshi men josparlary týraly estıtin bolady. İs-shara «Túngi stýdıada Nurlan Qoıanbaev» baǵdarlamasynyń formatynda ótedi. Sonymen qatar, is-shara barysynda 200 jańa ánder jınaǵy men 1000 dana Qaırat Nurtastyń jýrnaly taratylady.
Qaırat Nurtas - óte daryndy, sondaı-aq akterlik sheberligimen erekshelene bilgen óner ıesi. Bunyń barlyǵy ánshiniń qaıtalanbas tulǵasyn qalyptastyryp, ony ózge ánshilerden erekshelendirip turady. Qaırattyń konsertine kelip, onymen betpe-bet kezdesip qana qoımaı, jańa ánderin tyńdap, demalýǵa shaqyramyz.
Eske sala keteıik, osy jyldyń aýqymdy sharasynyń basty uıymdastyrýshylary «Qazaqstan» teleradıokorporasıasy jáne «Sapa Media group».
8 jeltoqsan kúni saǵat 17:00-de «Han shatyr» saýda ortalyǵynda ánshini shyǵarmashylyǵynyń 10 jyldyq mereıtoıymen jeke quttyqtaý jáne ártistiń qoltańbasyn alý múmkindigin jiberip almańyzdar!
