Qazaqstan Qorǵanys mınıstri Imanǵalı Tasmaǵanbetov jas ofıserlerdi nagradtady, - dep habarlaıdy «Qamshy» portaly qorǵanys mınıstrliginiń baspasóz qyzmetine silteme jasap.

61993 áskerı bóliminde ótken saltanatty jıynda Imanǵalı Tasmaǵanbetov Qurlyq áskerleri Áskerı ınstıtýtyn  eki jyl buryn támamdaǵan, búginde túrli áskerı bólimderde qyzmet etip júrgen jas sardarlardy nagradtady.

«Jaqynda Memleket basshysy halyqqa Joldaýyn jarıalady. Onda Elbasy qazirgi jahandyq jaǵdaıdyń qaýip-qaterleri týraly aıtty. Bizdiń aldymyzda qabyletti ásker men kásibı sardarlar qamtamasyz etetin qaýipsizdik máselesi tur. Búgingi shara dástúrli sıpatyna qaramastan, erekshe mańyzǵa ıe. Bul Prezıdent bastamalarynyń naqty jalǵasy», - dedi Imanǵalı Tasmaǵanbetov.

Jas sardarlar mınıstr qolynan alǵys hattar, baǵaly zattar men «Úzdik maman komandır» belgilerin aldy.